O Museo Pedagóxico de Galicia, no seu labor de difusión e divulgación do patrimonio educativo galego vén dende a súa xénese, organizando diversas exposicións itinerantes: O MICROESPAZO MUPEGA que algúns centros educativos demandan con motivo da conmemoración dalgunha efeméride.
Pódese recrear unha aula do pasado, con todos os seus elementos: pupitres, mapas e láminas,pizarras, pizarrines, plumillas e tinteiros, libros (silabario, enciclopedías)...
Do transporte, seguro e conservación se responsabilizarán os centros ou colectivos demandantes que poderán solicitala a través dos formularios que figuran nesta páxina.
COMPROMISOS
- A solicitude debe facerse cunha antelación mínima de 15 días.
- Achegar no momento da entrega das pezas unha copia do seguro integral das mesmas desde a recollida até a devolución no MUPEGA.
- Indicación de procedencia das pezas que pertencen ao Museo Pedagóxico de Galicia (MUPEGA), tanto na exposición como nos medios de divulgación que se empreguen por parte dos seus organizadores.
- Devolver o material nas mesmas condicións que foi retirado no lugar e prazo establecido.
Teléfono de contacto: 981 540150
Solicitude de exposicións itinerantes