Actividades Día do Libro

Obradoiro infantil: Escola de escribas

Venres 19 de abril de 2024
17:30 a 18:30
Público infantil de 6 a 11 anos
Actividade de balde
Imprescindible reserva previa: https://mupega.edu.xunta.gal/visitas-e-actividades/actividades-e-obrado…

Como foron os inicios da escritura no mundo? Que civilizacións foron as pioneiras en desenvolver esta prezada ferramenta? 

Con motivo do Día do Libro, viaxaremos ata a antiga Mesopotamia para explorar os segredos que agocha esta civilización e reflexionar sobre o sentido e a importancia dela no nacemento da escritura. Así a rapazada terá a oportunidade de converterse por un día en auténticos escribas, recreando e descifrando unha das primeiras formas de escritura coñecidas.

Día do Libro

Martes 23 de abril de 10:00 a 15:00 (ata esgotar existencias)

Para celebrar o Día do Libro as persoas que se acheguen a visitar o Museo Pedagóxico de Galicia durante a xornada do 23 de abril poderán levar como agasallo un libro. A entrada ao museo, coma sempre, será gratuíta.