Xa foron moitos os centros que solicitaron a nosa gabeta de recursos para coñecer o Mupega. Este mes de novembro, as gabetas de primaria e secundaria inclúen unha sección especial na que falamos sobre as diferenzas educativas que houbo entre nenas e nenos ao longo dos anos. Este tema podería ser unha boa ferramenta na aula para traballar o concepto de igualdade entre xéneros, máis aínda tendo en conta que se achega o 25 de novembro "Día Mundial contra a Violencia Machista".
Lembrade que para solicitala só cómpre enviar un correo electrónico a: museo.pedagoxico.galicia@edu.xunta.gal indicando: o interese e recibir a gabeta de Secundaria ou Primaria, nome e apelidos da persoa solicitante, cargo que desempeña e nome do centro educativo no que traballa.
Ademais, ao cubrir a folla de valoración incluída na gabeta, podedes indicar o voso interese por continuar recibindo as actualizacións que se realicen no contido da mesma sen ter que solicitala novamente.
Non perdas a oportunidade de aprender sobre a nosa historia educativa dende o teu centro!
