Nestes días de confinamento ben seguro que nas familias tivestes a ocasión de aproveitar o tempo para aprender e pasalo ben todos xuntos. Os libros exerceron unha vez máis de amigos incondicionais axudándonos a pasar estes tempos revoltos do mellor xeito posible.
Durante toda a semana, estivemos destacando os conceptos de integración e inclusión nas nosas publicacións en redes, pero non podiamos esquecernos dos máis pequenos aos que tanto botamos en falta ver polo noso museo.
Por iso esta publicación é para vós, nenos e nenas. Queremos deixarvos unha selección de libros e recursos que vos axuden a comprender como se pode axudar a construír unha sociedade máis inclusiva e a poder aprezar a diversidade. Esperamos que sexa do voso interese:
1. Por catro esquiniñas de nada. Editorial Juventud. Un conto que nos fai entender como os pequenos cambios poden marcar a diferenza na vida de alguén.
2."Colección de contos con pictogramas da editorial Kalandraka en colaboración con BATA (Asociación Baión Tratamento do Autismo)". Colección de contos como: O coelliño branco, Os chivos, chivóns ... adaptados con pictogramas e texto.
3. Monstro Rosa.Editorial Apila. Co Monstro Rosa aprendemos que a diversidade é fermosa e está chea de cor.
4. O cazo de Lorenzo.Editorial Juventud. Lorenzo sofre moito porque carga co seu cazo, pero atopará xente que lle axudará a saber levalo....
5. "Os Bolechas e a a discapacidade" Conxunto de materias que, da man dos nosos queridos Bolechas, ensinan aos máis pequenos a vida das persoas con diversidade funcional.
