Hoxe en día, co emprego de internet e de recursos audiovisuais, os alumnos/as contan cunha ventá aberta ao mundo que permite visualizar os coñecementos dun xeito rápido e doado.
Esa labor foi xa realizada con anterioridade polas láminas educativas. Aquelas xurdían da imperiosa necesidade de poñer imaxe ás ensinanzas e así potenciar unha relación e un coñecemento máis directos do alumnado co mundo animal e vexetal evitando empregar grandes discursos descritivos que interferían negativamente na aprendizaxe.
Un exemplo disto o temos coas seguintes láminas:
Lámina Apis mellifica (Abella) de H. Jung, G. von Koch do 1910, procedente do IES Sánchez Cantón (Pontevedra). Forma parte da colección de Jung, Koch e Quentell e contaba cun “Folleto explicativo das novas láminas murais para a Zooloxía e a Botánica”, editado polo fabricante. Na lámina aparece representada por partes a anatomía da abella. O seu fondo negro permitía ao docente empregar xiz para acompañar ás súas explicacións, se o estimaba necesario.
Lámina Plantas medicinales deL. Valenti do 1955, procedente do IES Lucus Augusti (Lugo). Debido á demanda por parte de escolas de países de fala hispana, o editor milanés Vallardi abrirá a filial Vallardi Americana para abastecer ao novo mercado. O contido da lámina fai referencia a prantas agrupadas en función da súa utilidade para o ser humán como remedios naturais ou de valor terapéutico para a industria farmacéutica.
Estas pezas contan non só cun gran valor pedagóxico, senón tamén artístico polo xeito de elaboralas para a súa correcta realización e conservación.
As láminas educativas constitúen un dos elementos máis importantes e atractivos do fondo patrimonial do Mupega e dos nosos centros.
