Na planta baixa do museo está exposta esta fotografía antiga na que se pode ver a un grupo de nenas xogando á corda mentres os nenos observan.
Os saltos acompáñanse de cancións, moitas veces de matiz estraño ou de lóxica disparatada. Unha desas cancións é a seguinte:
Unha, dole,
tele, catole,
quile, quilete,
estaba a raíña
no seu gabinete.
Díxolle o rei:
Vamos pra misa.
Dixo a raíña:
Non teño camisa.
Díxolle o rei:
Eu teño tres.
Dixo a raíña:
Empréstame unha.
Díxolle o rei:
Non teño ningunha.
Seguro que gardades na memoria algunha outra canción ou mesmo sabedes algunha que canten actualmente os nenos e nenas.