O Museo Pedagóxico de Galicia, dependente da Consellería de Cultura, Educación, Formación Profesional e Universidades, ofrece para este curso escolar 2023/2024 un programa de actividades dirixido especificamente a centros escolares.
A oferta educativa contempla distintas modalidades de visita deseñadas para achegar ao alumnado a colección do museo e, con ela, os cambios experimentados polas escolas e a educación de nenos e nenas nos dous últimos séculos da nosa historia.
Os centros interesados poderán escoller entre distintas propostas adaptadas aos diferentes niveis educativos e realizar xa a solicitude a través da páxina web do museo:
https://mupega.edu.xunta.gal/visitas-e-actividades/visitas-para-grupos
