Hoxe no MUPEGA recibimos  un grupo moi numeroso do CEIP A Maía. O alumnado coñeceu o museo a través da nosa visita guiada pola exposición permanente. Estiveron moi atentos e amosaron moita curiosidade. Pasamos un intre tan bo, que se nos pasou o tempo voando. Agardamos vervos novamente rapaces!

Os asistentes mostráronse moi interesados ao longo de toda a visita, fixeron preguntas e aportaron coñecementos.

Animámolos a volver en máis ocasións.

Onte o Mupega acolleu  a súa primeira visita escolar deste curso. Alumnos/as de 5º e 6º de Educación Primaria do CPR Nuestra Señora del Rosario de Arzúa, viñeron a coñecer o Mupega a través da visita guiada para escolares. Durante todo o tempo que estiveron no museo, permaneceron moi atentos e non pararon de interesarse por diversas pezas , mesmo se atreveron a representar unha antiga clase na nosa aula obraoidoro. Agardamos vervos novamente rapaces.

Onte no Mupega recibimos aos alumnos/as do Máster de profesorado da Facultade de Ciencias da Educación. O grupo de alumnado  amosouse  moi interesado e participativo durante toda a súa visita. Dende o museo, agardamos que  aprenderan sobre a historia da educación na nosa comunidade e agardamos que pasaran un bo intre. Esperamos que volvan sempre que o desexen!

O venres 25 de outubro celebraremos o Samaín no Museo Pedagóxico de Galicia. Se tes entre 5 e 9 anos e queres pasalo de medo, non o dubides e inscríbete! Contaremos con 20 prazas, aqueles/as que estean interesados/as deberán enviar un correo electrónico á dirección : museo.pedagoxico.galicia@edu.xunta.es, co nome do neno/a, a súa data de nacemento e un teléfono de contacto.

Os alumnos percorreron as instalacións do museo acompañados da súa profesora e do guía.

Esperamos que a visita fose do seu agrado e que contribuíse a mellorar as súas competencias nos estudo do seu grao. 

O 5 de outubro conmemórase, como cada ano, o Día do Docente. Por este motivo, a consellería de Educación, Universidade e Formación Profesional, celebrou un acto  de homenaxe á labor docente do profesorado en xeral, e, en particular aos 40 docentes xubilados neste 2019, con máis anos de servizos prestados.

Durante o acto a conselleira de Educación, Carmen Pomar, agradeu, en nome da sociedade galega, o labor realizada polos docentes xa xubilados e por todos os que realizan o seu traballo diario e superan as dificultades no camiño de ser mellores na súa profesión.

En 1869, o químico ruso Dmitri Mendeléyev ordenou os elementos químicos coñecidos baseándose no peso atómico e na repetición periódica das súas propiedades, o que supuxo unha das achegas máis importantes na química do século XIX.

O museo súmase deste xeito á celebración do Ano Internacional da Táboa Periódica, proclamado así pola Asemblea Xeral da Organización das Nacións Unidas por cumprirse o 150 aniversario da súa creación.