Pensando en que os contidos poidan estar relacionados coas programacións do curso escolar, os docentes teñen á súa disposición unha serie de actividades para traballar na aula antes e despois da visita. Este material pódese consultar e descargar nos seguintes enlaces:
Información das visitas de escolares
Guía para docentes de Educación Infantil
Guía para docentes de 1º e 2º de Educación Primaria
Guía para docentes de 3º e 4º de Educación Primaria
O Nadal está chegando e este ano, no Mupega, precisamos das ideas dos máis pequenos/as para facer a nosa felicitación de Nadal. Posto que, o noso museo representa a escola e con ela aos nenos, gustaríanos que foran estes os encargados de elaborar a nosa felicitación de Nadal participando nun concurso.
Como se pode participar? Pois, moi doado...
Teredes que vir ao Mupega, na Ludoteca atoparedes o material necesario para facer a vosa postal; só tedes que tratar de unir nela mediante un debuxo o Nadal co Mupega, é dicir, facer unha postal de Nadal que garde relación co museo. Para atopar a inspiración, que mellor forma de facelo que visitando as nosas salas.
Deixaredes a vosa postal no Mupega co debuxo correspondente por un lado da folla e, polo outro, o voso nome e apelidos, idade e un teléfono de contacto.
Poderán participar todos os nenos que visiten o museo ata os 12 anos de idade.
A data límite para participar será o mércores, 18 de decembro de 2019.
A postal gañadora será a que empregaremos no museo para felicitar as Festas.
Os alumnos/as do I.E.S A Sardiñeira da Coruña, realizaron un percorrido polas instalacións do museo puidendo coñecer a evolución da educación na nosa comunidade. Estiveron moi atentos/as as nosas explicacións porén , coidamos que desfrutaran da súa visita e pasaran un bo intre connosco.
Esta mañá recibimos no Mupega unha desas visitas que tanto nos gusta polo moito que aprendemos nelas. Un grupo do centro de maiores de Cerceda veu coñecer a exposición permanente e, ao mesmo tempo, a compartir connosco as súas experiencias relacionadas co ensino. Foi unha visita do máis agradable, chea de nostalxia e de pequenas historias escolares contadas de primeira man. Agardamos que desfrutaran da súa visita tanto coma nós con eles e por suposto convidámolos a volver novamente.
Dende Tui chegou hoxe un grupo de nenos/as para aprender sobre a historia da nosa educación. Foi un grupo do máis participativo que non cesou de facer preguntas e de interesarse por moitas das pezas do museo. Non querían marchar sen velo todiño! Esperamos que cando volvan por Santiago nos fagan outra visita.
Fai trinta anos, o 20 de novembro de 1989, na Organización das Nacións Unidas, firmouse a Convención sobre Dereitos do Neno/a. Nesta convención, establecéronse 54 artigos co fin de protexer aos nenos/as de situacións que puidesen afectar ao seu desenvolvemento físico, psicolóxico e persoal.
No Museo Pedagóxico de Galicia non queríamos deixar de lembrar unha data tan sinalada e, que mellor forma de facelo, que amosándovos algunhas das fotos do obradoiro de creación libre de xoguete que realizamos o pasado venres no museo.
Non debemos esquecer que, tanto a educación coma o xogo, son dereitos fundamentais do neno/a para o seu axeitado desenvolvemento.
Os nenos e nenas de 1º de Primaria do centro educativo mostráronse moi interesados por todo o que atopaban no museo: os pupitres, as pizarras, os xoguetes...
Agardamos que gozaran da visita.
No percorrido polo museo, os estudantes tiveron ocasión de ampliar os seus coñecementos en historia da educación en Galicia, ademais de profundar na sección de xoguete tradicinal. Esto último tiña especial interese para eles por vir acompañados da profesora da materia Xogo Infantil.
Agardamos que volten ao museo co seu alumnado sendo xa mestres e mestras.
Na Semana Internacional da Ciencia, animámosvos a visitar a exposición temporal "Homo sapiens, transmisor de coñecemento". Nela poderedes ver, entre outros, obxectos procedentes dos gabinetes de Historia Natural ou dos laboratorios de Física e Química dos Institutos Históricos de Galicia. Estas pezas tiñan unha función didáctica, sendo empregadas nas aulas para a realización de experimentos ou como apoio ás explicacións do profesorado.
No ano 2019 cúmprense 100 anos do nacemento de Alejandro Campos Finisterre máis coñecido como Alexandre Fisterra o inventor do futbolín. Porén, no Mupega queremos homenaxear a súa figura expoñendo o futbolín como peza destacada na planta baixa do museo.
Baixo a invención deste xogo, agóchase unha fermosa historia.