Nesta ocasión para a selección da nosa derradeira peza destacada do ano, quixemos homenaxear o quincuaxésimo aniversario da chegada do home á Lúa.
A nosa peza destacada trátase desta vez, dun conxunto de materiais escolares que conteñen aspectos relativos ao aprendizaxe da Lúa.
A Organización de Nacións Unidas proclamou o 4 de xaneiro o día mundial do Braille co fin de crear unha maior conciencia sobre a importancia deste sistema como medio de comunicación para a plena realización dos dereitos das persoas invidentes.
Esta data foi escollida pola súa coincidencia co nacemento do seu creador: Louis Braille (4 de xaneiro 1809, Francia).
O Braille é un sistema alfabético en relevo co que se poden representar as letras, números, signos de puntuación, linguaxe musical...
A máquina de escritura en Braille Perkins ,creada no ano 1951 por David Abraham, supuxo un gran avance para as persoas invidentes permitindo realizar a escritura en Braille dun xeito directo e cunha maior velocidade.
A nivel educativo é o aparello máis empregado nas escolas para a o desenvolvemento da escritura en Braille polos alumnos con deficiencia visual.
A postal seleccionada pintouna Irea Sánchez Mera, unha nena de 6 anos. Destacou polo seu colorido e alegría, propio destas datas e porque foi quen de relacionar o Nadal co Mupega. Irea substituíu as habituais bolas que decoran as árbores de Nadal, por libros, un material habitual na escola.
Parabéns Irea!
Que ben o pasamos o venres no noso obradoiro de Nadal! Cantas cousiñas fixemos! Coñecemos a historia de Martina, unha árbore a quen ninguén quería, realizamos a nosa propia árbore de Nadal e participamos no concurso de postais. O tempo pasou voando!!! Xa estamos desexando que chegue o seguinte...
Aproveitamos para dicir que nos vindeiros días publicaremos o nome do gañador/a do I Concurso de postais de Nadal do Mupega. Estade moi atentos.
No Museo Pedagóxico de Galicia quixemos sumarnos a esta celebración seleccionando materiais escolares relacionados co noso satélite natural ou coa misión Apolo XI.
Este conxunto estará exposto como peza destacada na entrada do museo para que o público que se achegue poida contemplalo.
Os estudantes percorreron as estancias das dúas primeiras plantas do museo, montrándose moi interesados e participativos. Esperamos que ademais de gozar da visita, lles resultase útil para o proxecto no que están a traballar.
O Museo Pedagóxico de Galicia súmase a todos os actos de apoio que se celebran hoxe para favorecer a toma de conciencia sobre as necesidades das persoas con discapacidade ou diversidade funcional.
A discapacidade é unha condición que afecta as personas e que pode ser física ou mental.
A poboación mundial supera os sete mil millóns de persoas e máis de mil millóns delas conviven con algún tipo de discapacidade.
Máis de cen millóns de persoas discapacitadas son nenos ou nenas.
Dende o Mupega consideramos necesario fomentar a inclusión educativa e social en prol da igualdade de dereitos e oportunidades entre as persoas.
Dentro do noso museo podemos ver algunhas pezas que se empregaban no ensino de persoas con discapacidade nos primeiros Centros de Educación Especial de Galiza e que nos axudan a coñecer o duro camiño percorrido na mesma.
O Nadal estase achegando e no Mupega queremos convidar aos máis pequenos a asistir a un obradoiro, no que realizaremos unha pequena actividade manual relacionada con estas datas. Tamén debuxarán unha postal que poderán deixar no museo para a súa participación no I Concurso de postais de Nadal. A postal gañadora será a que empregará o museo para felicitar as Festas.
Para inscribirse cómpre cubrir o seguinte formulario
Pensando en que os contidos poidan estar relacionados coas programacións do curso escolar, os docentes teñen á súa disposición unha serie de actividades para traballar na aula antes e despois da visita. Este material pódese consultar e descargar nos seguintes enlaces:
Información das visitas de escolares
Guía para docentes de Educación Infantil
Guía para docentes de 1º e 2º de Educación Primaria
Guía para docentes de 3º e 4º de Educación Primaria
O Nadal está chegando e este ano, no Mupega, precisamos das ideas dos máis pequenos/as para facer a nosa felicitación de Nadal. Posto que, o noso museo representa a escola e con ela aos nenos, gustaríanos que foran estes os encargados de elaborar a nosa felicitación de Nadal participando nun concurso.
Como se pode participar? Pois, moi doado...
Teredes que vir ao Mupega, na Ludoteca atoparedes o material necesario para facer a vosa postal; só tedes que tratar de unir nela mediante un debuxo o Nadal co Mupega, é dicir, facer unha postal de Nadal que garde relación co museo. Para atopar a inspiración, que mellor forma de facelo que visitando as nosas salas.
Deixaredes a vosa postal no Mupega co debuxo correspondente por un lado da folla e, polo outro, o voso nome e apelidos, idade e un teléfono de contacto.
Poderán participar todos os nenos que visiten o museo ata os 12 anos de idade.
A data límite para participar será o mércores, 18 de decembro de 2019.
A postal gañadora será a que empregaremos no museo para felicitar as Festas.