O Mupega acolle o acto de presentación dos concursos educativos de ADOS.

O acto ao que acudiron a directora de ADOS, Marisa Lóez, a coordinadora autonómica de transplantes, Encarnación Bouzas, o director xeral de Asistencia Sanitaria do Sergas, Jorge Aboal e o conselleiro de Sanidade, Julio García Comesaña, pretende concienciar ao alumnado sobre a importancia da doazón de órganos a través da realización de concursos para o alumnado de primaria, secundaria e universitario.


A Gabeta do Mupega do mes de marzo.

Estamos a piques de rematar febreiro polo que a nosa Gabeta do Mupega do mes de marzo xa está preparada para ser empregada nas aulas.
Cos recursos da Gabeta do Mupega poderás coñecer o noso museo sen desprazarte da túa aula ou centro. Ademais, a gabeta inclúe novo material cada mes. Este mes de marzo a Gabeta contén na súa sección especial unha presentación genially sobre o papel da muller no ensino e un caderniño de traballo con fichas para traballar sobre esta data sinalada.
Para solicitala só tes que enviar un correo electrónico a: museo.pedagoxico.galicia@edu.xunta.gal indicando o interese en recibir a gabeta, nome e apelidos do solicitante e centro de destino.
A todos/as aqueles/as que xa solicitastes a Gabeta do Mupega con anterioridade , lembrarvos que non é necesario solicitala cada mes , sempre que cubrades a folla de valoración final e indiquedes o voso interese por recibir as actualizacións da Gabeta do Mupega.

11 De Febreiro Día Internacional da Muller e da Nena na Ciencia

A RAGC salienta o espírito loitador de Jimena Fernández de la Vega dende que fora a primeira licenciada en Medicina pola USC. Destaca a súa incorporación da xenética ao ámbito da saúde converténdose nunha pioneira da xenética médica en España.
No Mupega unímonos á homenaxe desta extraordinaria muller lembrándonos tamén de todas as nenas e mulleres galegas que, durante moitos anos, non tiveron a oportunidade de acceder a unha educación con igualdade de dereitos sendo afastadas da posibilidade de desenvolver as súas capacidades no ámbito científico-tecnolóxico.
Subscribirse a