Dende o 16 ao 18 de setembro, na parroquia de Furelos (Melide) celebrouse a 5ª edición do mercado de época “Furelos no 1900”, un evento festivo no que se recrea o modo de vida de comezos de século no rural.
Como parte da recreación histórica, a Casa Museo de Furelos converteuse na “Escola do pasado”, realizada con pezas dos fondos do Museo Pedagóxico de Galicia.
Pupitres, mesas, cadeiras, mapas, láminas, tinteiros, cadernos... Ata un total de 40 pezas dos fondos do Museo Pedagóxico de Galicia estarán expostas proximamente no imponente edificio da antiga Azucareira de Portas para recrear unha aula histórica. Trátase dunha iniciativa coa que achegar e divulgar parte dos fondos do museo ao público dándolles visibilidade máis aló da propia sede museística.
A colaboración formalizouse o pasado 24 de xuño coa visita do conselleiro de cultura, Román Rodríguez, e o alcalde de Portas, Ricardo Martínez, á sede do Museo Pedagóxico de Galicia.
Este venres 17 de maio inaugurouse no CEIP de Seixo (Marín) a recreación dunha aula histórica realizada con material dos fondos do Museo Pedagóxico de Galicia.
A exposición itinerante, que se poderá visitar durante os próximos días, forma parte neste caso das actividades realizadas no centro educativo para conmemorar o seu 50 aniversario.
A Axencia de Doazón de Órganos e Sangue (ADOS) fixo hoxe entrega dos premios do IV Concurso de Carteis e do VIII Concurso de Curtametraxes para escolares, os dous coa doazón e o transplante como elementos principais.
A gala, que se realizou coincidindo co Día Nacional do Doante de Órganos, tivo lugar no Museo Pedagóxico de Galicia nun acto presidido polo conselleiro de Sanidade, Julio García Comesaña.
O pasado mércores 25 de maio, a Xunta fixo entrega dos premios do concurso escolar de recollida de pilas, baterías usadas e acumuladores que por terceira vez foi convocado este curso en Galicia no marco da campaña Pilabot.
O acto oficial congregou no Museo Pedagóxico de Galicia a profesores, alumnos e familiares dos catro centros que lograron as mellores cifras de recollida destes residuos durante as seis semanas de concurso: CPR Santiago Apóstol (Narón), CEIP As Solanas (A Guarda), CRA Amencer (Ribadavia) e CEIP Caión (Laracha).
O pasado 18 de maio conmemorouse o Día Internacional dos Museos. Como ven acontecendo dende hai xa once anos, en Santiago de Compostela foron varias as institucións museísticas que se uniron para celebrar esta data: Museo do Pobo Galego, CGAC, Museo de Historia Natural, Museo Casa de la Troya, Fundación Eugenio Granell, Museo das Peregrinacións e de Santiago e Museo Pedagóxico de Galicia.
O CEIP Portonovo acollerá durante este próximo mes de maio a recreación dunha aula dos anos 70 que contará con material dos fondos do Museo Pedagóxico de Galicia. A exposición itinerante formará parte das celebracións do 50 aniversario da inauguración deste centro escolar.
O Museo Pedagóxico de Galicia celebra o Día Internacional do Libro con varias actividades en torno a esta data.
O día previo, venres 22 de abril, terá lugar o obradoiro infantil "Lecturas no tempo", no que se achegará aos máis pequenos á historia e funcionamento da imprenta, un invento sen dúbida revolucionario para a historia do libro.
Durante a xornada do 23 de abril o museo agasallará aos seus visitantes cun libro, como xeito de festexar este día e de animar á lectura.