O pasado 18 de maio conmemorouse o Día Internacional dos Museos. Como ven acontecendo dende hai xa once anos, en Santiago de Compostela foron varias as institucións museísticas que se uniron para celebrar esta data: Museo do Pobo Galego, CGAC, Museo de Historia Natural, Museo Casa de la Troya, Fundación Eugenio Granell, Museo das Peregrinacións e de Santiago e Museo Pedagóxico de Galicia.

O CEIP Portonovo acollerá durante este próximo mes de maio a recreación dunha aula dos anos 70 que contará con material dos fondos do Museo Pedagóxico de Galicia.  A exposición itinerante formará parte das celebracións do 50 aniversario da inauguración deste centro escolar.

O Museo Pedagóxico de Galicia celebra o Día Internacional do Libro con varias actividades en torno a esta data.

O día previo, venres 22 de abril, terá lugar o obradoiro infantil "Lecturas no tempo", no que se achegará aos máis pequenos á historia e funcionamento da imprenta, un invento sen dúbida revolucionario para a historia do libro.

Durante a xornada do 23 de abril o museo agasallará aos seus visitantes cun libro, como xeito de festexar este día e de animar á lectura.

O Museo Pedagóxico de Galicia convertiuse no escenario da celebración da gala de entrega de premios convocada pola Xunta de Galicia con motivo do 25 N.

No acto, presidido polo presidente da Xunta, a conselleira de Emprego e Igualdade e o conselleiro de Cultura, Educación e Universidade, foron premiados escolares de Lugo, Navia de Suarna, Ferrol, Lalín, Sanxenxo e Santiago de Compostela polas súas creacións gráficas e audiovisuais, que compartían unha mesma temática: unha ollada crítica á violencia de xénero.  

Con motivo da celebración do Mes da Ciencia, o Museo Pedagóxico de Galicia retoma as actividades infantís co obradoiro “Con ollos de científic@”, dirixido a nenos e nenas de 6 a 11 anos. Unha actividade na que, experimentando e construíndo pequenos xoguetes ópticos, a rapazada poderá descubrir os principios científicos nos que se basea o funcionamento dunha das pezas expostas no MUPEGA: o proxector cinematográfico.

O CEIP Daría González García (Pontevedra) acolle dende estes días a recreación dunha aula histórica levada a cabo con material dos fondos do MUPEGA. Con esta pequena exposición itinerante preténdese contextualizar o proxecto que o centro está realizando sobre a mestra Daría González.

O Centro Cultural Valcárcel acolle a exposición "Atención, rodamos en Ourense!". Trátase dunha mostra asociada ao Ourense Film Festival na que se fai un repaso as producións cinematográficas rodadas na provincia de Ourense. O MUPEGA colabora coa mesma cedendo as pezas que permitiron recrear a aula do filme "A lingua das bolboretas".

O pasado curso escolar o Museo Pedagóxico de Galicia puxo en marcha “A gabeta do MUPEGA”, un compendio de recursos dixitais para docentes pensado para achegar o museo aos centros educativos nun ano no que as restricións sanitarias dificultaban especialmente as actividades presenciais.

O Mupega inicia o curso cunha oferta de actividades coa que achegar a colección do museo ao alumnado dos centros educativos. Este ano o programa recolle tanto opcións presenciais no museo coma outras virtuais para realizar na propia aula, adaptando así as posibilidades a realidade actual.

A información ao detalle sobre as diferentes actividades pode consultarse no folleto adxunto ou na propia páxina web.