O CEIP do Camiño Inglés (Sigüeiro - A Coruña) inaugurou nestes días unha exposición etnográfica sobre a vida en Galicia no século XX. O Mupega participa nesta exposición coa recreación dunha aula antiga pertencente aos anos 50-60 que comprende material dos propios fondos do museo e fotografías relativas a escolarización dese período de tempo.

O Mupega necesita da túa axuda, a pandemia e as continuas reformas na lexislación educativa poñen en perigo a historia da nosa educación. Se queres pasar un bo intre e axudar a rescatar ao Mupega non dubides realizar este xogo de escapismo para idades comprendidas entre os 9 e os 99 anos.

Sorte!

XOGO DE ESCAPISMO "SALVA AO MUPEGA"

Xela Arias, muller polifacética da nosa lingua, escritora, poetisa, tradutora e ante todo muller galega orgullosa do galego e da súa terra.

No Museo Pedagóxico de Galicia contamos cunha pequena mostra para profundizar na súa vida e obra ás portas da celebración do Día das Letras Galegas 2021.

Xunto coa mostra monográfica, os nosos visitantes poderán ver unha escolma de cadernos de memorias agropecuarias realizados polo alumnado no colexio Fingoi, no que Xela comezou a súa escolarización no ano 1968; xunto cun diploma e herbario do mestre Avelino Pousa Antelo quen fora compañeiro na escola de Barreiros de Valentín Arias (pai de Xela).

Programa de actividades DIM 2021

Como cada ano, o 18 de maio de 2021 celebrarase o Día Internacional dos Museos. O 2020 foi un ano que supuxo un gran reto para todos os museos que, adoitados a atender ao público de xeito presencial, tiveron que buscar e definir estratexias para continuar difundindo o seu patrimonio empregando recursos e medios dixitais.

Sen embargo é de supoñer que o 2021 será un ano de transición no que se recuperarán progresivamente as actividades de carácter presencial pero tamén no que nos serviremos de todas as vantaxes que nos ofreceu a tecnoloxía para continuar difundindo o patrimonio museístico.

Polo tanto, a proposta do Museo Pedagóxico de Galicia para a celebración do Día Internacional dos Museos seguindo o lema do ICOM: “O futuro dos museos: Recuperar e Reimaxinar”é a seguinte:

- Visita \tInteractiva: Dende o 18 de Maio poderase realizar unhaa visita no \tMuseo Pedagóxico de Galicia e desfrutar de todo o contido adicional \tque poderes visualizar nos vosos dispositivos co emprego de códigos \tQR. Con eles pódese acceder dun xeito seguro e sen contacto a: \taudioguías, información adicional, vídeos e presentacións sobre \tpezas, pezas en funcionamento... Deste xeito ampliaredes os \tcoñecementos da vosa visita facéndoa máis interactiva, completa e \tamena. Asemade os nosos visitantes recibirán unha tarxeta na que \tpoderán descargar a súa guía para visitar o museo e un catálogo \tda nosa exposición temporal “Homo Sapiens, transmisor de \tcoñecemento”.

- Xogo de \tescapismo: “Salva o Mupega”Do 18 ao 30 de maio de 2021. Para \to noso público máis tecnolóxico contaremos na nosa web e redes \tsociais coun xogo de escapismo online para que os nosos usuarios nos \taxuden a salvar ao Mupega, se queres pasar un bo intre non dubides \trealizar este divertido xogo escape que mestura a tecnoloxía e as \tnosa historia educativa.

- O Mupega na \tcasa: Gustaríache coñecer o noso museo pero non tes a \toportunidade de achegarte a Compostela? “O Mupega na casa” ofrece \ta posibilidade de coñecer a historia do patrimonio educativo do \tmuseo sen necesidade de desprazarte. Dende o 18 a o 23 de maio \tpoderás solicitar unha visita dende a casa a o noso correo \telectrónico: museo.pedagoxico.galicia@edu.xunta.es e enviaremos un enlace para poder coñecer o Mupega en familia.

Neste mes de maio A Gabeta do Mupega conta con material adicional para continuar achegando aos centros unha parte da nosa historia educativa: unha selección de fotos escolares antigas ,un vídeo sobre unha nova peza destacada (o parchís inclusivo) e ,na sección especial do mes de maio, contamos cun xogo de escapismo chamado "Salva ao Mupega" co que seguro pasaredes un bo intre na aula.

Para solicitar a Gabeta do Mupega cómpre enviar un correo electrónico a:museo.pedagoxico.galicia@edu.xunta.gal indicando o interese en recibir a gabeta, nome e apelidos, centro de destino e cargo que ostenta.

Un saúdo.

A Gabeta do Mupega segue o seu percorrido polos centros galegos ensinando aos máis pequenos/as o museo dende a distancia. Este mes de abril a gabeta inclúe, na súa sección especial, material para traballar o Día do Libro. Con el poderedes aprender diversas curiosidades sobre os libros e veredes algúns dos máis especiais que gardamos no Mupega.  Tamén contamos cun caderno con fichas e actividades para realizar nesta data especial que ben seguro que ides celebrar dunha forma ou outra.

Lembrade que para solicitar a Gabeta do Mupega só tendes que enviar un correo electrónico a: museo.pedagoxico.galicia@edu.xunta.gal indicando o voso nome e apelidos, centro de destino e interese en recibir a gabeta.

Agardamos que sexa de utilidade!

O estudo da anatomía foi dende sempre un piar fundamental na formación do alumnado.

A ausencia de recursos tecnolóxicos e audiovisuais facían que tanto as láminas educativas coma as pezas de anatomía contribuísen de xeito significativo ao coñecemento e comprensión do funcionamento de certos órganos e sistemas por parte do alumnado.

As pezas expostas na nosa planta baixa son tres pezas clásticas do corazón, cerebro e ril.

Ademais os visitantes ao museo poderán visualizar diversos tipos de pezas e láminas adicadas a ensinanza da anatomía humana en diferentes lozalizacións do museo.