Dende o  Museo Pedagóxico de Galicia queremos deixar a nosa particular aportación neste Dia do Libro 2020 destacando unha peza significativa en relación con esta data: “O galego na escola".

Trala chegada da Lei Xeral de Educación do ano 1970 comeza a introducirse progresivamente a ensinanza da Lingua Galega xurdindo así os primeiros libros de aprendizaxe da mesma. “O galego na escola” é unha obra realizada por Xesús Alonso Montero (catedrático de Literatura Galega e antigo presidente da Real Academia Galega) e Jose María de Marcos Abajo (Inspector Educativo de Ensinanza Primaria).

Este libro, un dos primeiros adicados ao aprendrizaxe da Lingua Galega, pretendía ser un manual de ensinanza do galego para o alumnado de Educación Primaria. Nel, recollénse diferentes ámbitos de aprendizaxe dunha lingua: vocabulario, gramática, pronuciación e mesmo un breve percorrido pola historia da Literatura Galega.

Como curiosidade, cómpre engadir que a pesar de ser un libro adicado á ensinza-aprendizaxe da lingua galega está, na súa meirande parte, escrito en castelán. 

Bo día a todos/as! Nestas especiais circunstancias que estamos a vivir e vendo que é posible que se  alonguen,  no Mupega queremos continuar a nosa labor de dar a coñecer o noso patrimonio educativo. Por iso, realizaremos publicacións periódicas  na nosa web e nas nosas redes sociais ( Facebook e Twitter) para que poidades coñecer máis o noso museo e  así  pasar mellor estas xornadas de aillamento.

Para comezar queremos amosarvos un dos tesouros do Mupega :" O caracol". Esta peza de gran tamaño é un modelo clástico desmontable do ano 1907. Con ela os alumnos podían profundizar no estudo da anatomía do caracol.  No seguinte enlace podedes ver un vídeo no que se pode visualizar o  seu interior. Agardamos que vos guste.

Interior do caracol

  En aplicación do Acordo do Consello da Xunta de Galicia, de data 12 de marzo de 2020, polo que se adoptan medidas preventivas en materia de saúde pública na Comunidade Autónoma de Galicia, como consecuencia da evolución da pandemia de coronavirus COVID-19, queda suspendida a apertura ao público deste centro.

Ás portas da celebración do Día Internacional da Muller, o Mupega adica a súa nova peza destacada a Concepción Arenal, todo un referente en feminismo, progresismo e educación.

Nestes dous tomos da súa obra completa, Concepción Arenal realiza un amplo estudo sobre a situación dos centros penitenciarios da época e reflexiona sobre as modificacións necesarias para os mesmos e para a sociedade.

Unha das súas citas máis célebres foi "Abride escolas e pecharanse cárceres" poñendo de manifesto o valor da educación para o desenvolvemento persoal e social das persoas.

A súa loita pola igualdade de dereitos para as mulleres, as súas obras literarias e as súas aportacións a nivel educativo convirten a Concepción Arenal en todo un referente que non podíamos esquecer nestas datas sinaladas, máis aínda cando neste 2020 se cumpre o bicentenario do seu nacemento.

Onte tivemos un día do máis completo no Museo Pedagóxico de Galicia. Primeiramente recibimos ao alumnado de infantil do CEIP O Coto (Negreira) que veu a coñecer a nosa exposición temporal. Posteriormente alumnos de 1º e 2º do CEIP Alexadre Díaz Cardaso (Noia) viñeron visitar a exposición permanente e rematamos cos nenos/as do CEIP Escarabote (Boiro) que tamén se decataron pola mesma exposición.

Foi un inmenso pracer recibilos a todos/as e desexamos telos aquí novamente!

Neste mes de marzo con motivo da celebración do día da muller propoñemos a realización dun obradoiro de ilustración denominado "Contos clásicos para a igualdade". O obradoiro correrá a cargo do recoñecido ilustrador Yago García quen analizará cos asistentes diversos contos clásicos para logo redeseñar aos personaxes evitando estereotipos de xénero.

O obradoiro realizarase o 6 de marzo de 2020 de 17:00 a 18:30 e contamos con 25 prazas para nenos/as de 7 a 12 anos de idade.

Para inscribirse cómpre encher o seguinte  formulario  ou enviar un correo electrónico a: museo.pedagoxico.galicia@edu.xunta.gal indicando o nome do neno/a, idade e teléfono de contacto. A inscrición debe ser realiza polo pai/nai ou titor legal.

Agardámosvos.

No Mupega xa comezamos a festexar o Entroido e que mellor forma de facelo que achegando ao noso museo unha tradición típica do Entroido galego, o día e comadres e compadres. Comezamos explicandolle aos pequenos/as algunhas características do Entroido tradicional en Galicia para logo afondar na celebración desta tradición tan nosa. Non podíamos rematar sen poñer en práctica todo o aprendido polo que cada neno/a elaborou o seu compadre ou a súa comadre empregando diversos materiais.

Foi unha tarde do máis entretida.

Obradoiro de Entroido no Mupega.