Onte tivemos a oportunidade de recibir a visita dun grupo de alumnos de 1º da ESO procedente do IES As Insuas da localidade de Muros. Durante o percorrido pola exposición permanente coñeceron en profundidade algúns aspectos dos cambios que experimentou a educación durante os séculos XIX e XX e descubriron segredos agochadados nalgunhas das nosas pezas. Esperamos que a visita fora do seu agrado e agardamos velos novamente.
A Asamblea Xeral de Nacións Unidas proclamou o 11 de febreiro coma unha data sinalada para loitar pola igualdade de oprtunidades, visibilade e participación das mulleres na ciencia. A pesar de que nos ámbitos de enxeñería, ciencia e matemáticas a representación das mulleres é cada vez maior aínda segue a ser minoritaria en comparación a dos homes. O Mupega quere unirse na loita de reivindicación dun papel máis activo das mulleres e na trasmisión destes valores as nenas dende a escola.
No seguinte enlace podedes ler un manifesto da ONU en relación a conmemoración do día de hoxe.
Estudantes do IES Indalecio Pérez Tizón, de Tui, do CPR La Inmaculada, de Marín, e estudantes navarros e franceses que participan nun proxecto Erasmus co IES Arcebispo Xelmírez I, sobre o Camiño de Santiago.
Todos visitaron a exposición permanente, o que lles permitiu aprender, entre outras cousas, sobre as escolas de indianos e americanos, ou sobre como era o primeiro e segundo ensino en Galicia nos séculos XIX e XX.
Esperamos que a visita fora do seu agrado.
No Mupega xa temos ganas de Entroido, unha das celebracións do ano que máis nos gustan. Por iso queremos celebrar un obradoiro o vindeiro venres 14 de febreiro de 2020 no que queremos achegarlle aos nenos un chisco do noso Entroido galego realizando un obradoiro didáctico sobre a tradición das comadres e compadres. Para rematar realizaremos unha pequena tarefa plástica.
Podedes inscrivirvos cubrindo o seguinte formulario ou enviando un correo electrónico a: museo.pedagoxico.galicia@edu.xunta.gal, incluíndo nome e apelidos do neno/a, data de nacemento e teléfono de contacto.
Agardámosvos!
Como o alumnado de 4º de Primaria xa visitara a exposición permanente no curso pasado, nesta ocasión decidiron coñecer a exposición temporal "Homo sapiens, transmisor de coñecemento". Nela puideron ver material didáctico relacionado coas ciencias naturais e con outras materias, que se empregaba nos institutos nos séculos XIX e XX como apoio ás explicacións do profesor.
Os compañeiros de 3º de Primaria, en cambio, era a primeira vez que viñan ao museo, así que fixeron un percorrido pola exposición permanente.
Esperamos que ámbolos dous grupos gozaran da visita e que se animen a voltar o ano próximo.
Hoxe no museo tivemos unha agradable sorpresa xa que, co grupo de alumnos de 1º, viñeron algúns dos seus avós e avoas. Deste xeito as nenos/as puideron confirmar algunhas das cousas que lle contamos con protagonistas da época. Aínda que, pensamos que a visita en xeral foi do seu agrado, a "curva dos xoguetes" sempre está entre as partes preferidas dos máis cativos. Esperamos que voltedes pronto polo museo.
Un numeroso grupo de alumnos/as procedentes de Salvaterra de Miño realizaron unha visita guiada no museo percorrendo as plantas baixa e primeira. Durante a visita estiveron moi atentos as nosas explicacións e amosaron moita curiosidade por algunhas das pezas do museo. Agardamos que aprenderan moitas cousas e que pasaran un bo intre connosco.
Os alumnos de 1º e 2º da ESO e de FPB coñeceron a evolución da educación realizando unha visita guiada polo museo. Visitaron as tres plantas do museo para aprender a historia da nosa educación a través das aulas históricas, a aula de ferrado e a aula de indianos. Lembramos o mundo infantil observando diversos xogos e xoguetes e, como non, practicaron a escritura con pizarra e pizarrín na aula obradoiro. Todo un pracer rapaces/as! Agardamos que volvades axiña!
Comezamos o ano con moitas ganas de seguir aprendendo cousas novas. Por iso, realizaremos un obradoiro didáctico sobre un dos nosos astros máis queridos: a Lúa. No obradoiro contaremos cunha parte didáctica na que traballaremos diversos aspectos da lúa e cunha parte máis práctica na que realizaremos unha pequena tarefa manual.
Podedes inscrivirvos cubrindo o seguinte formulario ou enviando un correo electrónico a: museo.pedagoxico.galicia@edu.xunta.gal, incluíndo nome e apelidos do neno/a, data de nacemento e teléfono de contacto.
Dende Vila de Cruces viñeron hoxe a coñecernos estes alumnos de 5º e 6º de Educación Primaria para poder aprender un chisco sobre a historia da nosa educación. Durante o tempo da visita guiada non pararon de atender e de facer preguntas sobre diferentes pezas. Gustoulles moito a nosa aula obradoiro e, por suposto, os recunchos adicados aos xoguetes. Foi unha visita do máis agradable e esperamos que volvan pronto por aquí.