O evento rememora, dende hai xa seis anos, o modo de vida de comezos do pasado século no rural.

Dentro da recreación de espazos históricos que serven para materializar esta viaxe no tempo, intégrase unha "Escola do pasado" realizada con materiais procedentes dos fondos do Museo Pedagóxico.

O Museo Pedagóxico de Galicia, dependente da Consellería de Cultura, Educación, Formación Profesional e Universidades, ofrece para este curso escolar 2023/2024 un programa de actividades dirixido especificamente a centros escolares.

A oferta educativa contempla distintas modalidades de visita deseñadas para achegar ao alumnado a colección do museo e, con ela, os cambios experimentados polas escolas e a educación de nenos e nenas nos dous últimos séculos da nosa historia.

Durante estes días no CEIP Monte Baliño (Ferreira de Pantón, Lugo) pódese visitar unha recreación dunha aula histórica realizada con materiais do Museo Pedagóxico de Galicia.

Esta exposición itinerante permanecerá no centro educativo ata o día 16 de xuño como parte das actividades organizadas para conmemorar o seu 50 aniversario. 

A exposición temporal "Educación, Xénero e Lectura" foi inaugurada o pasado 26 de maio no Museo Pedagóxico de Galicia. A mostra fai un repaso á cuestión da discriminación de xénero dende mediados do século XIX, amosando como os manuais escolares e outros textos de ensino-aprendizaxe foron utilizados como recursos orientados a moldear a infancia con discriminación de xénero. Ao mesmo tempo aparecen recollidos os distintos procesos e iniciativas culturais, sociais e pedagóxicas referentes a dinámicas alternativas e decisivas na superación dos estereotipos e discriminacións.

O 18 de maio museos de todo o mundo celebramos o Día Internacional dos Museos. Este ano a conmemoración virará en torno ao lema “Museos, sostibilidade e benestar”, proposto polo ICOM, co que se quere pór de relevo o papel que os museos deben desempeñar na configuración e creación de futuros sostibles a través da súa actividade educativa, exposicións e investigacións.
Para festexar esta data, dende o Museo Pedagóxico de Galicia programamos durante toda a semana actividades para tódolos públicos:

O Museo Pedagóxico de Galicia celebra o Día Internacional do Libro con varias actividades en torno a esta data.

O venres 21 de abril, terá lugar o obradoiro infantil "Escola de escribas", actividade na que a rapazada terá a oportunidade de aprender sobre os inicios da escritura no mundo e da importancia desta ferramenta na comunicación e rexistro de información.

Durante a xornada do 22 de abril o museo agasallará aos seus visitantes cun libro, como xeito de festexar este día e de animar á lectura.